ПАЛАЖЭННЕ
|
аб першым этапе рэспубліканскай алімпіяды па вучэбных прадметах
|
ГЛАВА 1
АГУЛЬНЫЯ ПАЛАЖЭННІ
- Палажэнне аб першым этапе рэспубліканскай алімпіяды па вучэбных прадметах (далей – першы этап алімпіяды) вызначае:
мэты і задачы этапа алімпіяды;
парадак яе арганізацыі і правядзення;
парадак падвядзення вынікаў алімпіяды;
парадак фарміравання і падрыхтоўкі каманды да ўдзелу ў другім этапе алімпіяды.
- Першы этап алімпіяды праводзіцца з мэтай выяўлення і падтрымкі найбольш здольных, адораных вучняў установы.
- Асноўнымі задачамі першага этапу алімпіяды з’яўляюцца:
павышэнне цікавасці вучняў да вывучаемых вучэбных прадметаў, развіццё іх творчых здольнасцей, паглыбленне тэарэтычных ведаў і практычных уменняў, садзейнічанне самарэалізацыі асобы;
стымуляванне дзейнасці педагагічнага калектыву па развіцці здольнасцей адораных навучэнцаў;
актывізацыя работы факультатыўных заняткаў, гурткоў, іншых форм пазакласнай і пазашкольнай работы з вучнямі;
прапаганда навуковых ведаў і развіццё цікавасці вучняў да навуковай дзейнасці;
падрыхтоўка вучняў да ўдзелу ў другім этапе рэспубліканскай алімпіяды.
- Першы этап алімпіяды праводзіцца ва ўстанове кожны навучальны год.
- Першы этап алімпіяды праводзіцца па наступных вучэбных прадметах: беларуская мова і літаратура, руская мова і літаратура, англійская мова, матэматыка, фізіка, хімія, біялогія, інфарматыка, геаграфія, працоўнае навучанне, фізічная культура і здороўе.
На першым этапе алімпіяды пералік вучэбных прадметаў, па якіх праводзіцца алімпіяда, вызначаецца ўстановай адукацыі.
- Для забеспячэння правядзення першага этапу алімпіяды прыцягваюцца работнікі ўстановы.
ГЛАВА 2
ПАРАДАК АРГАНІЗАЦЫІ І ПРАВЯДЗЕННЯ ПЕРШАГА
ЭТАПУ АЛІМПІЯДЫ
- Падрыхтоўку і правядзенне першага этапу алімпіяды забяспечвае ўстанова адукацыі.
- Першы этап алімпіяды праводзіцца не пазней за кастрычнік бягучага навучальнага года. Канкрэтныя тэрміны правядзення алімпіяды вызначаюцца Міністэрствам адукацыі Рэспублікі Беларусь.
- Месца правядзення першага этапу алімпіяды вызначаецца ўстановай адукацыі.
- Першы этап алімпіяды, з улікам спецыфікі вучэбнага прадмета, можа ўключаць наступныя туры: тэарэтычны, практычны, эксперыментальны, тэставы, творчы.
- Для падрыхтоўкі і правядзення першага этапу алімпіяды кіраўніком установы адукацыі ствараецца арганізацыйны камітэт (далей – аргкамітэт).
- У склад аргкамітэта першага этапу алімпіяды ўключаюцца прадстаўнікі кіраўніцтва ўстановы адукацыі, настаўнікі-прадметнікі.
- Аргкамітэт першага этапа алімпіяды:
фарміруе і зацвярджае склад журы, спісы ўдзельнікаў першага этапу алімпіяды;
распрацоўвае і зацвярджае праграмы і парадак правядзення першага этапа алімпіяды па кожным вучэбным прадмеце;
забяспечвае тыражыраванне, захоўванне алімпідных заданняў і іх канфедэнцыяльнасць;
узнагароджвае пераможцаў дыпломамі;
асвятляе вынікі правядзення першага этапа алімпіяды на сайце ўстановы і ў сродках масавай інфармацыі;
ажыццяўляе аналіз вынікаў правядзення першага этапу алімпіяды і прадастаўляе справаздачу і пратаколы вынікаў алімпіяды, а таксама работы з выкананымі заданнямі пераможцаў (дыпломы І, ІІ, ІІІ ступені) ў дзяржаўную ўстанову “Смаргонскі раённы вучэбна-метадычны кабінет” (дадатак 1-3);
забяспечвае правядзенне інструктыўнай нарады з журы і ўпаўнаважанымі асобамі;
фарміруе каманду для ўдзелу ў другім этапе рэспубліканскай алімпіяды па вучэбных вучэбных прадметах.
- Аркамітэт першага этапу алімпіяды:
арганізуе першы этап алімпіяды па адзіных тэкстах і ў адзіныя дні;
вызначае парадак падрыхтоўкі каманды да ўдзелу ў наступным этапе алімпіяды па кожным вучэбным прадмеце з улікам яго спецыфікі;
арганізоўвае падрыхтоўку каманды да ўдзелу ў другім этапе алімпіяды.
- Для падвядзення вынікаў алімпіяды па кожным вучэбным прадмеце ствараецца журы.
Склад журы па кожным вучэбным прадмеце фарміруецца са спецыялістаў адпаведных адукацыйных абласцей. Журы ўзначальвае старшыня, а ў яго адсутнасць – намеснік старшыні.
- Колькасны склад журы на першым этапе алімпіяды ўстанаўліваецца ў колькасці 3 чалавек па кожным вучэбным прадмеце.
- Журы алімпіяды:
правярае і ацэньвае выкананне алімпіядных заданняў у адпаведнасці з крытэрымі ацэньвання выканання алімпідных заданняў;
інфарміруе ўдзельнікаў аб выніках першага этапу алімпіяды па кожным прадмеце;
разглядае звароты ўдзельнікаў па пытаннях, якія ўзніклі ў іх па выніках ацэньвання, выкананых імі алімпіядных заданняў, пасля завяршэння першага этапу алімпіяды па кожным прадмеце;
інфарміруе удзельнікаў пра вынікі іх удзелу ў першым этапе алімпіяды;
вызначае пераможцаў першага этапу алімпіяды;
афармляе выніковую дакументацыю.
- Рашэнні журы першага этапу алімпіяды прымаюцца на іх пасяджэннях і афармляюцца пратаколамі.
ГЛАВА 3
УДЗЕЛЬНІКІ ПЕРШАГА ЭТАПУ АЛІМПІЯДЫ
- У першым этапе алімпіяды прымаюць удзел усе жадаючыя вучні ўстановы адукацыі.
ГЛАВА 4
ПАРАДАК ПРАВЯДЗЕННЯ ПЕРШАГА ЭТАПУ АЛІМПІЯДЫ
- У дзень правядзення першага этапу алімпіяды ажыццяўляецца азнаямленне ўдзельнікаў алімпіяды з правіламі бяспечных паводзін у перыяд правядзення першага этапу алімпіяды.
- У месцы правядзення першага этапу алімпіяды могуць знаходзіцца толькі асобы, якія вызначаны парадкам правядзення алімпіяды па адпаведным вучэбным прадмеце .
- Парадак шыфравання і дэшыфравання работ удзельнікаў ажыццяўляецца згодна парадку правядзення алімпіяды па кожным вучэбным прадмеце.
- У кабінетах, прадназначаных для выканання алімпіядных заданняў колькасць месцаў павінна адпавядаць колькасці ўдзельнікаў так, каб за сталом знаходзіўся адзін чалавек.
- Парадак збору і прадстаўлення журы выкананых удзельнікамі алімпіядных заданняў вызначаецца парадкам правядзення алімпіяды па кожным вучэбным прадмеце.
- Работы з выкананымі алімпіяднымі заданнямі захоўваюцца ва ўстанове адзін год.
- Матэрыяльна-тэхнічнае забеспячэнне правядзення першага этапу алімпіяды вызначаецца парадкам правядзення алімпіяды па кожным вучэбным прадмеце.
ГЛАВА 5
ПРАВЫ І АБАВЯЗКІ ЎДЗЕЛЬНІКАЎ ПЕРШАГА ЭТАПУ АЛІМПІЯДЫ
- Падчас правядзення першага этапу алімпіяды ўдзельнік мае права:
задаваць пісьмова пытанні журы па ўмове алімпіяднага задання;
карыстацца неабходнымі для выканання алімпіядных заданняў сродкамі, вызначанымі парадкам правядзення алімпіяды па адпаведным вучэбным прадмеце;
пакідаць месца выканання алімпіяднага задання ў выключных выпадках на непрацяглы час. Месца правядзення туру не можа пакідаць адначасова больш аднаго ўдзельніка.
- Падчас правядзення першага этапу алімпіяды ўдзельніку забараняецца:
прыносіць і выкарыстоўваць кнігі, сшыткі, запісы, уласныя электронныя носьбіты інфармацыі, сумкі, мабільныя тэлефоны, пэйджары і іншыя сродкі электроннай сувязі;
размаўляць, перасаджвацца без дазволу асобы, вызначанай парадкам правядзення алімпіяды па адпаведным прадмеце, абменьвацца зробленымі запісамі з іншымі ўдзельнікамі.
- Удзельнік першага этапу алімпіяды абавязаны:
выконваць правілы тэхнікі бяспекі, правілы пажарнай бяспекі;
выконваць праграму правядзення першага этапу алімпіяды;
выконваць парадак правядзення першага этапу алімпіяды па адпаведным вучэбным прадмеце.
- Удзельнік можа быць адхілены ад удзелу ў першым этапе алімпіяды за:
спазненне на чарговы тур без уважлівай прычыны;
парушэнне парадку правядзення алімпіяды па адпаведным прадмеце;
наўмыснае псаванне камп’ютарнага і іншага абсталявання;
невыкананне патрабаванняў, прадугледжаных дадзеным Палажэннем.
ГЛАВА 6
ПАДВЯДЗЕННЕ ВЫНІКАЎ ПЕРШАГА ЭТАПУ АЛІМПІЯДЫ
- На першым этапе алімпіяды журы вызначае пераможцаў з ліку ўдзельнікаў першага этапу алімпіяды па класах.
- Колькасць пераможцаў на першым этапе алімпіяды вызначае аргкамітэт першага этапу алімпіяды па кожным вучэбным прадмеце.
- Пераможцы першага этапу алімпіяды ўзнагароджваюцца дыпломамі І, ІІ і ІІІ ступені.
ГЛАВА 7
ПАРАДАК ПАДРЫХТОЎКІ, ЗАХОЎВАННЯ І ДАСТАЎКІ АЛІМПІЯДНЫХ ЗАДАННЯЎ ДЛЯ ПЕРШАГА ЭТАПУ АЛІМПІЯДЫ
- Алімпіядныя заданні для першага этапу алімпіяды па кожным вучэбным прадмеце:
прадастаўляюцца кіраўніку ўстановы адукацыі за адзін дзень да пачатку першага этапу алімпіяды;
тыражуюцца старшынёй аргкамітэта першага этапу алімпіяды.
- Алімпіядныя заданні для першага этапу алімпіяды па кожным вучэбным прадмеце:
раскладваюцца ў канверты і захоўваюцца ў сейфе ўстановы адукацыі (кабінет дырэктара);
адкрываюцца членамі аргкамітэта першага этапу ў прысутнасці ўдзельнікаў алімпіяды па кожным вучэбным прадмеце.
свернуть